Birgir Haukdal stal senunni.

Það færi betur ef Alþingi hefði nokkrum mönnum á að skipa eins og Birgi Haukdal smábátasjómann frá Sandgerði. En í fréttinni er fyrst viðtal við Atla Gislason sem vill kosningar strax. Ég segi bara, hvern andskotann á ég að kjósa. Sömu eða svipaðar fuglahræður og vanalega? Það breytist nefnilega ekkert við það að kjósa á meðan við búum við handónýtt og spillt flokkakerfi sem gengur erinda og fyrir mútum frá sérhagsmunaöflunum. Það þarf að að byrja á því að henda fjórflokknum og taka upp eitthvað svipað fyrirkomulag og notað var við stjórnlagaþing kosningarnar. Í slíkum kosningum fengi Birgir Haukdal Rúnarsson alla vega mitt athvæði - en strika yfir nafna minn hið snarasta.  

Vill kosningar undir eins

Athugasemdir

[Arnór Valdimarsson (IP-tala skráð) 1.10.2011 kl. 20:29]

Sæll.Hann var flottur. En þú tókst þig líka vel út á Austurvelli í dag.

Minni á Hreyfinguna og fiskveiðistjórnunar frumvarp og þjóðaratkvæðugreiðslu frumvarp þeirra og Finnboga Vikars. Hvað finnst þér um þau?

Fjölmiðlar hundsa bæði frumvörpin og minnast aldrei á þau, og það hryggir mig hversu mikið vald LÍ Ú og ríkisstjórnin hafa yfir hinu "FRJÁLSA 4´ða VALDI"

http://hreyfingin.is/frettir/201-tjoearatkvaeeagreiesla-um-stjorn-fiskveiea.html

http://hreyfingin.is/frettir/197-maela-fyrir-kvotafrumvarpi-hreyfingarinnar-og-gera-tilloegu-um-tjoearatkvaeeagreieslu.html

[Atli Hermannsson., 1.10.2011 kl. 23:33]

Sæll Arnór. Ég las kvótafrumvarp Hreyfingarinnar einhvern tíma í vor. Þá sá ég strax að þar er verið að höfða til réttlætis, sanngirnis ásamt því að þar er verið að feta veg markaðslausna og " frelsi einstaklingsins". Að því tilefni sagði ég í maili til Þórs, að frumvarpið þeirra væri eins og það sem Sjálfstæðisflokkurinn gæfi sig út fyrir að vera - en gerði ekki í grímulausri sérhagsmunagæslu sinni.

Fjórða valdið virkar ekki fyrir fimm aura Arnór. Sjálfur þekki ég það hvernig LÍÚ vinnur á bak við tjöldin eftir að hafa skrifað margar greinar á ákveðnu áraabili. Þeir djöfluðust á ritstjóranum þar til hann tilkynnti mér að hann nennti ekki að standa í þessu lengur.

Þá á ég afrit af þremur kvörtunarbréfum sem LÍÚ skrifaði Markúsi Erni, þáverandi útvarpsstjóra þar sem þeir m.a. kröfðust þess að Magnús Þór. fiskiræðingur sem þá sá um Auðlindina yrði rekinn. Þeim hugmaðist ekki óritskoðaður sannleikurinn um "besta fiskveiðikerfi í heimi" sem Magnús flutti þjóðinni.