Tillitsleysi.

Það er margt sérkennilegt að gerast þessa dagana. Pólitíkusar talast við einn daginn eins og bestu vinir og svo bara alls ekki þann næsta -  og þó mikið liggi við. Látum það vera. En ætli það teljist ekki til undantekninga að líki sé holað niður svo gott sem við inngang í kirkju án þess að sóknarpresturinn hafi hugmynd um. Að nánasta samstarfsfólk prestsins, sóknarnefndin skuli ekki hafa látið prestinn á staðnum vita hvað stóð til. Sóknarpresturinn kom fram í fréttum og bar sig vel... fannst þetta jú frekar sérkennilegt... en bætti við að nefndinni bæri engin skylda til að láta sig vita. Já, hann hélt uppi vörn fyrir sóknarnefnda í ofanálag. En fjandakornið... Ef ég væri sóknarpresturinn og það væri komið fram við mig af lítilsvirðingu og tillitsleysi líkt og gerðist í þessu tilfelli, þá ætti ég líklega frekar erfitt með að bera mikla virðingu fyrir því fólki í framhaldinu.     

Fischer vildi kaþólska útför

Athugasemdir

[Kolbeinn Karl Kristinsson, 23.1.2008 kl. 03:24]

Ég er nú sonur þessa umtalaða sóknarprests og ég skil ekki hvaða veður fólk er að gera út af þessu. Ég hef sjálfur alltaf vitað að það má hvaða prestur sem er halda jarðaför í hvaða kirkju sem er en það er almennt talið hefð að ræða við prestinn fyrst en miðað við þessar aðstæður þá auðvitað gerir maður ekkert veður út af því.

Nú tala ég ekki fyrir hans hönd en ég persónulega þá held ég nú að það hafi ekkert upp úr sér að gera úlfalda úr mýflugu.

Ég held að ég myndi nú hálfskammast mín ef hann yrði alveg brjálaður út af þessu og myndi gera eitthvað. Flott hjá honum bara að vera ekki að velta sér upp úr hlutum sem skipta ekki máli ;) Þetta var bara gert svona og ekkert við því að gera og þá bara er það þannig og allir sáttir :)

Það er eins og það sé meiri frétt að hann sýni ekki mikil viðbrögð en að Bobby Fisher sé dáinn og grafinn.

[Landfari, 23.1.2008 kl. 07:33]

Ég er nú eiginlega sammála ykkur báðum. Mér finnst þetta talsvert tillitsleysi við sóknarprestinn en á sama hátt væri það tillitsleysi við þann látna að gera mikið veður út af þessu. Samt en náttúrulega augljóst að svona framkoma er eki til eftirbreytni og þá er ég að tala um sóknarnefndina. Þá er ég að gefa mér að hún hafi vitað af þessu og samþykkt þetta en það hef ég hvergi séð koma beint fram í þessum frétum sem ég hef lesið.

[Atli Hermannsson., 23.1.2008 kl. 08:31]

Sæll Kolbeinn. Hann karl faðir þinn brást einmitt hárrétt við er hann skýrði sín sjónarmið - enda ekki við öðru að búast af honum. Ég hitti hann tvisvar á liðnu sumri er hann gaf son minn og tengdadóttur saman í Skálholtskirkju og fannst mikið til karlsins koma. En auðvitað á ekki að gera meira úr þessu  en orðið er. En eftir stendur að þetta er allt frekar sérstakt og skömmin er sóknarnefndarinnar eins og ég held að Landfari sé samála mér um.

[Helgi Helgason (IP-tala skráð) 25.1.2008 kl. 20:41]

Blessaður félagi. Ég hef verið að reyna að ná í þig. Getur þú haft samband við mig.

Bestu kveðjur

Helgi Helgason