Asíur

Gríðarmiklar skuldir eru að sliga Japani og hætta á hruni blasir við. Ástæðuna telur Cashajeni fjármálaráðherra að rekja megi til veru þeirra í Asíusambandinu ASB. Þá telur hann að stýrivextir í sambandinu taki ekki nægjanlega mið af þeirra hagskerfi. Því sé rót vandans ótvírætt sameiginlegur gjaldmiðill sambandsins (asíur). Þá er sagt í Japanska Fréttablaðinu í morgun að verulega miklar líkur séu taldar á því að ástandið teygi sig um allt "asíska efnahagssvæðið - með hroðalegum afleiðingum fyir alla íbúa á asíusvæðinu.      

Hætta á hruni í Japan

Athugasemdir

[Már (IP-tala skráð) 13.6.2010 kl. 11:58]

Það virðist vera að öll þessi sambönd séu að rústa efnahag heimsins. Evrópusambandið, Asíusambandið osfr. Ég held að það sé lang best fyrir lönd að fara aftur í sinn gjaldmiðil og hætti í þessum ríkjasamböndum. Þau eru einfaldlega byggð til að halda uppi veikari löndunum í samböndunum.

Af hverju ættu t.d náttúruauðlindir á Íslandi að vera að halda uppi Grikkjum eða Spánverjum ? Það er lítið sem þeir hafa til málana að leggja. Japanir eru gríðarlega sterkir og skipulagðir. Það sem vantar að segja frá þarna er að þeir eiga gríðarlega stóra sjóði. Þeir eru bara að tala um skuldastöðuna. En engu að síður þá þurfta þeir einfaldlega að hugsa þetta bara aðeins út frá eiginhagsmunum en ekki hagsmuna Asíusambandsins.

Vonandi koma þeir sér útúr því.

[Atli Hermannsson., 13.6.2010 kl. 22:34]

Sæll Már. Ég er ekki alveg að skilja þig, vegna þess að innlegg mitt er hugsað sem grín. Ég er fyrst og fremst að gera grín af þeim aðilum sem finna ESB og evrunni allt til foráttu og að alla fjárhagserfiðleika álfunnar megi rekja til.  Þess vegna gef ég mér það að erfiðleikar Japana hljóti að eiga sér þá skýringu að þeir séu  í sambærilegu ríkjasambandi og hafi sameiginlegan gjaldmiðil.... annars væru þeir ekki í þessum vandræðum - en svo er ekki.