Ekki ein báran stök.

Það sem er að gerast í þessu makrílmáli, er að erlendir útgerðir sem hafa verið að nýta makrílinn síðustu áratugi eru að þrýsta á sína eigin sjávarútvegsráðherra að gera eitthvað í sjálftökuveiðum okkar Íslendinga. Þeir bera málið svo áfram  inn í sjávarútvegsnefnd ESB sem verður eðlilega að bregðast við - enda í vinnu fyrir þá en ekki okkur.

Þegar menn falla í þá ómerkilegu gryfju að ófrægja ESB vegna þess eins að stjórna þarf veiðum úr sameiginlegum fiskstofnum sambandsríkja. Þá er gott að hafa það í huga, að það þyrfti eftir sem áður að taka sameiginlegar ákvarðanir með nákvæmlega sama hætti -  byggðar á veiðireynslu - þó ESB yrði lagt niður og skrifstofunni lokað í Brussel. Þá telja margar þessar erlendu  makríl útgerðir sem mótmæla hvað harðast veiðum okkar, að á undanförnum árum hafi þeir verið skertir til að byggja upp stofninn svo þeir geti veitt meira seinna. Þess vegna finnst þeim eðlilega undarlegt að loks þegar það gerist að þá fari aukningin í hundskjaft - og rúmlega það.

Það sem vefst eðlilega fyrir mörgum að skilja er kemur að því að semja við okkur Íslendinga; er það sem kallað er hlutfallslegur stöðugleiki - og hefur verið margtuggið hér. En það lýsir sér í því að ef ganga á til samninga við Íslendinga um hlutdeild í heildarveiðinni þá verði það ekki gert nema með því að minnka hlutdeild annarra.

Þetta ætti LÍÚ alla vega að skilja; en eins og við vitum má ekki nefna það að auka lítillega hlutdeild bátaflotans í þorskinum hér heima - þá benda þeir strax á að það sé verið að taka það frá þeim - sem búnir eru að taka á sig skerðingu - til að geta veitt meira seinna.. 

Viljum við kannski að regla CFP um hlutfallslegan stöðugleika verði lögð af? 

Spáir „makrílstríði" við ESB

Athugasemdir

[Durtur, 11.8.2010 kl. 15:33]

Þannig að við eigum bara að gefa ESB-Makrílnum að éta og senda hann aftur feitan heim, þar sem meginlandsfólin geta veitt hann? Það hljómar svosem nokkurnveginn í stíl við framtíðarsýnina.

[Jóhannes H. Laxdal, 11.8.2010 kl. 16:22]

Þú verður líka að gera þér grein fyrir því að Makríllinn var ekki að ganga svona langt inní okkar lögsögu áður,  en núna er hann við landsteinana og hafa makríl torfur verið farið alla leið inná pollinn á Akureyri til að nefna sem dæmi.

Við erum ekki að tala um að fara og veiða Makríl við strendur ESB,  við erum að tala um að veiða flökkufisk sem er núna kominn alla leið inn fyrir okkar Landhelgi.

[Atli Hermannsson., 11.8.2010 kl. 17:05]

Jóhannes, ég geri mér fullkomlega grein fyrir stöðunni og að með einhverjum hætti verði að semja í ljósi breyttra aðstæðna í lífríkinu.

Ég er einfaldlega að benda á að við erum bara hluti af stærra umhverfi sem við verðum að taka tillit til. Það hefur í sjálfu sér ekkert með ESB að gera vegna þess að ESB er ekki að veiða neitt,  heldur eru það útgerðir nokkurra sjálfstæðra þjóða sem hafa alla veiðireynsluna í kolmunnann sem hafa ákveðið að haga sínum málum þessum hætti.

Og það er ástæða fyrir því hversu erfilega gengur að fá ESB að borðinu til semja við okkur um tiltekna hlutdeild í makrílnum. Þeir eru t.d. að horfa á það núna hvað muni gerast eftir nokkur ár. Mun þá makríllinn kannski verða horfinn út úr íslensku landhelginni. Gerist það er eðlilega hábölvað fyrir þá að vera búnir að semja við okkur um varanlega hlutdeild af heildarkvótanum. 

Durtur; Við erum í dag að veiða úr mörgum deilistofnum t.d. loðnu, norsk-íslensku síldina og kolmunna sem ala mestan sinn aldur utan landhelginnar - og fita sig væntanlega þar.

[Jóhannes H. Laxdal, 11.8.2010 kl. 17:15]

Ef ESB hefur ekkert að gera með þetta af hverju í andskotanum eru þeir þá að hóta okkur með efnahagsþvingunum.

Hvað hitt varðar,  þá ef þeir hafa einhverjar áhyggjur um að fiskurinn fari úr okkar lögsögu aftur eftir nokkur ár þá semja þeir einfaldlega ekki um varanlegar hlutdeildir við okkur heldur tímabundnar meðan fiskurinn er í okkar efnahagslögsögu þannig að þetta er mjög hæpin afsökun fyrir því af hverju þeir eru tregir við að semja við okkur um þennan stofn.

[Durtur, 11.8.2010 kl. 18:02]

...svo kemur Atli bara með ígrunduð, yfirveguð og rökstudd svör? Hvurskonar blogg er þetta eiginlega?!?

[Atli Hermannsson., 11.8.2010 kl. 18:15]

"Ef ESB hefur ekkert að gera með þetta af hverju í andskotanum eru þeir þá að hóta okkur með efnahagsþvingunum."

Jóhannes, ég er einfaldlega að segja að þær þjóðir sem eru í ESB fara eðlilega með kvartanir sínar í gegnum í Brussel. Væri ekkert ESB þyrftu þjóðirnar örugglega einhvern annan samráðsvettvang þar sem ákvarðarnir um samnýtingu á sameiginlegum fiskstofnum væru teknar. Staðan væri því alltaf sú sama. Ekki eru Norðmenn í ESB og ekki eru þeir minna óhressir með makrílveiðar okkar en Skotar. Þá væri fróðlegt að vita hvort sjávarútvegsráðherra Danmerkur standi með sínum útgerðum sem hafa veiðireynslu og er hluti af ESB eða Færeyingum sem eru utan og stunda sjálftöku líkt og við.