Fáheyrð ósvífni.

Ég er eigandi krókabáts með skipaskrárnúmerið 7126. Bátinn endurbyggði ég á síðasta ári og útbjó sérstaklega til krókaveiða á makríl. Það gerði ég í trausti þess að réttlátari og nútímalegri aðferðir yrðu teknar upp við úthlutun á veiðiheimildum í makríl, aðrar en þær umdeildu aðferðir sem við þekkjum úr kvótakerfinu.

Eitt augnablik hélt ég að með tilkomu þessa nýja nytjastofns hefðum við lært af biturri reynslu fyrri ára og að jafnræðisregla stjórnarskrárinnar yrði jafnvel höfð til hliðsjónar við úthlutun Þau rök sem alla jafna liggja að baki þeirri ákvörðun að tiltekinn fiskstofn skuli vera kvótastýrður eru þau að með því sé verið að koma í veg fyrir ofveiði og stuðli að uppbyggingu stofnsins, sé talin þörf á því. Þetta eru rökin sem notuð voru fyrir upptöku á kvótakerfinu á sínum tíma. Því er fráleitt að ætla að líf- eða vistfræðileg rök liggi að baki þeirri ákvörðun að kvótasetja beri vistvænar krókaveiðar smábáta, sem aðeins ná til 0,5% af heildarstofninum.Þar fyrir utan hefur makríllinn verið kallaður engispretta hafsins og því verið haldið fram að afrakstri annarra nytjastofna geti stafað hætta af honum.

Engin rök mæla með því að makrílveiðar smábáta séu kvótasettar, heldur þvert á móti. Hvað ef t.d. Steingrímsfjörður á ströndum fylltist af makríl líkt og gerðist árið 2013. Aðeins þrír heimabátar hafa einhverja veiðireynslu; en samtals átta bátar frá Hólmavík og Drangsnesi sem fjárfest hafa í makrílbúnaði og hófu veiðar á síðasta ári munu þurfa að horfa aðgerðarlausir á. Hvað ef eigandi útgerðar sem úthlutað hefur verið veiðiheimildum ákveður að hefja ekki veiðar vegna lækkandi verðs á makríl og hækkandi veiðileyfagjalds.Hverjum mun það gagnast?

Þörf í þágu hverra?

Þegar tillögur ríkisstjórnarinnar vaðandi smábátaflotann eru skoðaðar kemur í ljós að hygla á sérstaklega eigendum nokkurra smábáta sem fyrstir hófu veiðarnar árin 2009 - 2012. Þeim verður umbunað með 43% vægi umfram alla þá sem á eftir komu. Þetta er rökstutt þannig að á þeim tíma hafi staðið yfir ákveðin þróun á “veiðitækni og veiðarfærum” sem þeir sem á eftir komu hafi notið góðs af eins og segir í frumvarpinu. Þetta er svo mikill þvættingur að orðalagið eitt getur valdið velgju.

Ég hef sjálfur tekið þátt í að smíða makrílbúnað í nokkra báta og get því staðfest að útfærslan á umræddum búnaði er öll sótt til frænda okkar Norðmanna, sem í 12 ár hafa notað sams konar búnað með ágætis árangri. Það er m.ö.o. nákvæmlega engin íslensk þróun á bak við þennan búnað eins og sagt er. Það er lygi sem búið er að sanna en samt verður þvælan ekki leiðrétt. 

Af yfir 100 makrílbátum hafa aðeins þeir sem að eigin sögn “þróuðu veiðitæknina“ beitt sér fyrir kvótasetningu smábáta á makríl. Sá sem harðast hefur beitt sér heitir Davíð Freyr Jónsson, eigandi Fjólu GK 121. Svo skemmtilega vill til að hann er í framvarðarsveit Framsóknarflokksins og einn besti vinur Sigundar Davíðs forsætisráðherra. Hann mun vegna 43% reglunnar fá í sinn hlut rúmlega þrisvar sinnum meiri kvóta en hann veiddi á síðasta ári. Þess má einnig geta að nokkrir útgerðarmenn eru sagðir hafa sýnt þá "fyrirhyggju" fyrstu árin að landa miklu magni af sjó sem makríl til að skapa sér meiri veiðireynslu. 

Meðfylgjandi mynd er af norskum krókabát sem útbúinn er fullkomnum makrílbúnaði. Rétt er að benda á; að myndin er tekin a.m.k. tveimur árum áður en Davíð Freyr tók sig til og hannaði og þróaði viðkomandi búnað.

Ég mun ekki sætta mig við þessar trakteringar, svo mikið er víst.

„Forkastanleg vinnubrögð sjávarútvegsráðherra“

Athugasemdir

[Óskar Helgi Helgason (IP-tala skráð) 18.6.2015 kl. 12:32]

Sæll Atli - æfinlega / sem og aðrir gestir þínir !

Atli !

Stend með þér - gagnvart illfyglinu og FramÆLUflokks bandíttanum Sigurði Inga: óuppdregnum uppskafningnum ofan úr Ytri- Hrepp (Hrunamannahreppi).

Atli: þú átt fyllstu virðingar að njóta,fyrir framtak þitt / og láttu ekki SKRÍLMENNI ísl. burgeisa stéttarinnar kúska þig, á nokkurn handa máta.

Með baráttukveðjum góðum - af Suðurlandi / 

[Atli Hermannsson., 20.6.2015 kl. 23:20]

Sæll Óskar. Það sem Sigurður Ingi hefur gert er með svo miklum ólíkindum að það skýrist ekki með óþverraskap einum saman heldur þarf einnig að koma til fáheyrður dómgreindarskortur. Það er verðið að verlauna ákveðna menn, og alveg sérstaklega einn besta vin forsætisráðherra. Sá maður fær samkvæmt því sem Fiskistofaa hefur reiknað út 105 tonn í uppbót ofan á það sem hann veiddi árið 2012. Það er sagt vegna þess að hann á að hafa þróað þá veiðitækni sem aðrir sem á eftir komu hafi notið góðs af. Nú það vitað að hann þróaði nákvæmlega ekkert og hefur verið bent á það. Þrátt fyrir það verður þvælan ekki leiðrétt. Svo re það einnig vitað að þeir sem veiddu svona mikið árið 2012 fölsuðu löndunarskýrslur  til að búa sér til veiðireynslu. .... Að svona hlutir séu að gerast í dag fyrir opnum tjöldum og nær enginn hreyfir hvorki legg nér lið er svo sorglegt að engu tali tekur. En eitt máttu vita Óskar, að skítahyskið í framsókn er ekki búið að bíta úr nálinni með þetta... ég lofa þér því.