"jákvæð tíðindi"

Þegar sumir hlutir virka á haus er það gjarnan vegna þess að þeir eru það. En stuttu eftir að Einar Kr. sjávarútvegráðherra hafði verið tuskaður í kastljósinu í fyrrakvöld var hann borubrattari sem aldrei fyrr. Í nýju boggi sem ber öfugmæla-yfirskriftina „jákvæð tíðindi úr sjávarútvegsumræðunni" byrjar hann á að segja að sjávarútvegurinn hafi aldrei þurft að heyja jafn harða samkeppni um fjármagn og unga fólkið og einmitt nú. Fjárfestar leiti í aðrar áttir og nýja atvinnugreinar freysti unga fólkið. Þá beri öllum að gæta orða sinna í gagnrýni sinni á þessa undirstöðuatvinnugrein - því ella verði sjávarútvegurinn einfaldlega undir - eins og Einar orðar það svo snyrtilega.

Einar segir að miklar breytingar hafi verið gerðar á kerfinu á undanförnum árum. Ég skal ósagt látið hversu miklar þær eru. En þær voru að mestu leiti í því fólgnar að innlima minnstu báta landsins sem áður voru fyrir utan kvótakerfið inn í minnibáta-kvótakerfi. Við þessa breytingu hefur það gerst að þeir „stærstu af þeim litlu" hafa umvörpum verið að kaupa þá litlu út úr greininni. Þeir hafa einnig verið að stækka bátana og leigja til sín heimildir hvað þeir mest mega til að standa undir fjárfestingunni. Í þeim viðskiptum er mér sagt að áhafnameðlimir hafi ekki farið varhluta....Ágæti lesandi; er ekki ílla komið þegar varðhundar kerfisins telja þessi efnistök til „jákvæðra" tíðinda úr greininni.          

 

Athugasemdir

[Guðrún María Óskarsdóttir., 19.4.2007 kl. 00:50]

Sæll Atli.

Jú þá er ansi illa komið.

kv.gmaria.

[Guðrún Þóra Hjaltadóttir, 20.4.2007 kl. 21:10]

Uff. Mér fannst ljót að sjá Einar dæsa í þessum umrædda kastljósþætti. Hann hagaði sér eins og hann væri kóngurinn og nennti ekki að hlusta á alla þá "skynsömu menn" sem voru að reyna að spyrja hann spurninga. Þetta þótti dónaleg hegðun í mínu uppeldi, enda var það á siðustu öld.