ferlega leiðinlegur.

Ég var að velta því fyrir mér hvort ég ætti að vera með leiðindi í kvöld. En ég er í vinahópi sem hittist stundum af ýmsu tilefni. Nægir að nefna villibráðakvöld, útilegu, utanlandsferðir eða dansleik á Sögu í kvöld - original og uppá gamlamátann. Ég ætla nú ekki að vera með leiðindi þar. Heldur hittumst við um átta leytið í heimahúsi og brögðum á föstu og fljótand.

En málið er að faðir húsbóndans var að selja bátinn sinn í vikunni eftir áratuga útgerð. Látum það vera þó gamli maðurinn vilji hætta og slaka á síðustu árin. Því oft hefur verið bast á útgerðinni þó stundum hafi verið þokkalegur hlutur. En við það að hætta að veiða eignast gamli maðurinn 1 milljarð króna fyrir að selja fisk sem er að sögn í eigu þjóðarinnar. Ekki ætla ég að kenna þeim gamla hvað þá syni hans um „kosti" kvótakerfisins. En það gæti slegið á gleði sumra ef umræður beindust að því -  að fyrr í vikunni hafi 250 milljónir dottið án fyrirhafnar inn um bréfalúguna á þessu húsi - fyrirfram greiddur arfur.