Gleymt og grafið.

Frétt sem þessi frá Sri Lanka kemur mér ekkert á óvart. Eins og fram kemur annars staðar á blogginu mínu þá hef ég nokkur kynni af eyjunni. Eitt sinn er ég var þar og dvaldi á meðal Evrópubúa nálægt Free Trade svæðinu við Katunayaki. Þá sagði enskur textílhönnuður mér sem dvalið hafði í 25 ár í landinu. Að löng frí eins og t.d. fjögurra daga hátíðir búddista væri afleitt fyrir fyrirtækið sem hann stjórnaði. Því það tæki ekki lengri tíma fyrir þjálfaða saumakonu að glupra niður því sem henni hefði verið kennt. Hann sagði mér t.d. að eitt sinn er hann hafi verið að taka í notkun nýjar vélar og haft 2.000 konur á vikunámskeiði af því tilefni... að þá hafi Vasak hátíð Buddista siglt í kjölfarið og það hafi þurft að endurtaka náskeiðið frá grunni.

Þá gáfu Japanir eyjaskeggjum fullkominn tækniháskóla fyrir einum 13-14 árum síðan. Hann var t.d. með sólarsellum á þakinu til að knýja sum af hinum fullkomnu kennslutækjum sem þar voru. Réttum 10 árum seinna hringdu þeir til Japans og sögðu græjurnar verulega farnar að slappast. Japanirnir komu því með næstu vél til að athuga hvers kyns var. Þegar þeir mættu á staðinn var þeim eðlilega litið upp á þak. Þá blasti ástæðan við þeim... sólarsellurnar voru hættar að virka vegna óhreininda... þær höfðu ekki verið þrifnar frá því þær höfðu verið settar upp.

 fleiri sögur seinna...

Gleymdist í fangelsi í 50 ár