þráður í lygavef

Vilhjálmur Egils, verður ekki í vandræðum með spinna einhvern Ljú-vef. En hreint kostulegt getur verið að hlusta á hann spinna í gatslitið trollið hjá LÍÚ. Mann ræfillinn klifar stöðugt á því að allri óvissu verði að eyða í sjávarútvegi áður en samið verður og er alveg óskaplega sannfærandi - að sjálfsögðu. En fyrir þá sem eitthvað vita, þá er ekki hægt að eyða allri óvissu í þessari ágætu atvinnugrein sem er með þeim ósköpum gerð að vera hlaðin óvissu á bæði borð.

Þannig er t.d. ekki vitað í dag hvort aflaheimildir verði auknar eða skornar niður á næsta ári... hvert afurðaverðið verður á erlendum mörkuðum...eða hvert gengi krónunnar mun leiða okkur hvað þá hvernig olíuverð kemur til með að þróast svo fátt eitt sé nefnt. Þetta eru stóru óvissuþættirnir ef Vilhjálmur skildi ekki vita það.

Það væri tilbreyting og gerði málflutning Vilhjálms og hans meðreyðarsveina trúverðugri ef þeir svo sem eins og einu sinni mæltust til þess að þorskafli yrði aukinn eins og allt bendir til að óhætt sé að gera. En þeim er svo miklu meira kappsmál að murka lífið úr smáútgerðunum og kreista blóðið undan nöglunum á leiguliðunum að þeim algerlega yfirsést það atriði, sem þó gæfi þeim margfaldar tekjur á móti því sem Jón Bjarna lætur hugsanlega hrökkva af borði sínu til strandveiðanna.  

Reyna að spinna þráðinn

Athugasemdir

[Ólafur Örn Jónsson, 4.4.2011 kl. 09:51]

Það er satt Atli furðulegt að SA skuli hleypa LÍÚ inná sig og nota í þessum tilgangi. Eins og menn sjái ekki í gegnum þennan áróður og lygavef sem þeir eru að spinna. Hvorki Þessi Ríkisstjórn né nein önnur Ríkisstjórn má lát bjóða sér svona frekju.

Smábáta útgerðin er það sem þeir eru alfarið á móti. Ef eitthvað er frjálst inní kerfinu ógnar það verðinu á úthlutuðum kvótum. Þess vegna fengur þeir settan kvóta á smábáta á sínum tíma til að ná af þeim kvótunum. Töldu sig geta eytt trillum við Ísland!! 

[Atli Hermannsson., 4.4.2011 kl. 13:57]

Þetta er svo einkennilegt allt saman Óli að það er ekki nema von að almenningur geri sér ekki nokkra grein fyrir öllu ruglinu. Það að vera útgerðarmaður í dag snýst t.d. um allt annað en að gera út eins og maður. Þá sýnist manni LÍÚ gengið vera í einhvers konar tilvistarkreppu og haldnir ofsóknaræði í bland við það að vera nokkurs konar controlfrík sem þurfa að ráða öllu innan atvinnugreinarinnar. Það er greinlegt að þeir setja eitt stórt samansem merki á milli sjávarútvegs á Íslandi og þeirra persónulegu hagsmuna.

Ég segi nú bara; ef þessir menn geta ekki sætt sig við það fyrirkomulag sem best hentar almennahag og er númer eitt fyrir þjóðarheill -  þá geta þeir bara fengið sér aðra vinnu.  

[Ólafur Örn Jónsson, 4.4.2011 kl. 14:30]

Já Atli hinn almenni útgerðamaður veit ekki í hvorn fótinn hann á að stíga. Margir þessara manna trúðu ekki í upphafi að þessi vitleysa yrði hér til framtíðar og tóku ekki þátt í að styrkja fyrirtæki sín um samkeppni um kvótann og misstu þar með fyrirtæki sín þar sem þeir kunnu ekki klækina að nota bankana.

Núna ræður Þorsteinn Már öllu og útgerða menn búnir að hleypa honum alltof langt og ráða ekki ráðum sínum sjálfir lengur. Aðferðir Þorsteins speglast vel í þessum aðgerðum og hótunum sem komið hafa frá LÍÚ undanfarið. Heimtufrekja, yfirgangur og græðgi þetta hefur einkennt Þorstein síðan hann og Davíð hnýttust tryggðar böndum. 

Því miður virðist Sjálfstæðisflokkurinn ekki hafa burði til að afneita þessum öflum og er það miður.