Frum- eða úrvinnsla

Vonandi er þessi Kapalverksmiðja gáfulegt verkefni og verði að veruleika er fram líða stundir -  þó ekki væri nema til að forða okkur frá enn einu álverinu. Til álvera er orkan nefnilega seld á bilinu 1,5 -2,0 krónur kílóvattið. Þetta eru frumframleiðsla sem útheimtir u.þ.b. 80% af þeirri orku sem þarf til að búa til einhvern hlut úr áli - svo sem eins og þunnar plötur og teina. Álið er sem sagt flutt úr landi hrátt eins og slægður þorskur og unnið áfram á meginlandi Evrópu. Þar er það brætt upp sem útheimtir u.þ.b. 20% heildar orkunnar. En þar eru kíkóvöttin ekki seld á tæpar tvær krónur eins og hér - heldur 17-20 krónur - eða 10 sinnum hærra verði. Það er þessi hluti Ál-framleiðslunnar sem við eigum að einbeita okkur að, þ.e.a.s. ef við viljum eitthvað meira með álið hafa.

Álver í Helguvík er allavega glapræði samanborið við verksmiðju af þessum toga.          

Vilja reisa fyrstu grænu kapalverksmiðju heimsins

Athugasemdir

[nicejerk, 24.3.2009 kl. 21:20]

Ég tel að þetta séu einhverjar beztu hugmyndir og framkvæmdir sem komið hafa fram síðastliðna áratugi á Íslandi. Að nýta álið í háspennukapla/-leiðara er góð hugmynd að nýta betur álið sem er unnið hrátt á Íslandi. Allt með raforku.

Allir kaplar milli Norðurlandanna, kaplar sem einnig leiða til Þýskalands og færa rafmagn á millimarkaði þessara landa, eru úr áli. Það er áhugavert að flutningur orkunnar milli landanna er á formi jafn-/rakstraums. Ef það er einhver heili á bak við þessar áætlanir, tækni og fjármagn, þá er þar stór brunnur fyrir menntafólk að súpa af, tæknilega séð og ekki síst framkvæmdalega séð.

[Konráð Ragnarsson, 26.3.2009 kl. 00:24]

Grænir kaplar,oj bara!

Kv,

Rafvirki